Այսօր պարզ դարձավ, որ Պերտիգոն-7 մոլորակի բնակիչները հետաձգել են իրենց այցը Երկիր մոլորակ ՀՀԿ-ԲՀԿ հակամարտության պատճառով: Ինչպես հայտնեց Ատվարի ցեղի առաջնորդ, գեներալ-գեներալ ՄռռռԴ’Շկոկը` այցը պետք է կայանար հենց այս կիրակի օրը. «Ուղղակի, երբ մանրամասն իմացանք` ինչպիսի խառնաշփոթ է սկսվել Հայաստանում, մտածեցինք` ավելի լավ է չխառնվել ու թողնել, որ իրավիճակը ինքն իրեն կարգավորվի»: Այլմոլորակայինները գտնում են, որ այս փուլին իրենց այցը պատշաճ չի լուսաբանվի ԶԼՄ-ների կողմից, քանի որ ամբողջ ուշադրությունը սևեռված է ՀՀԿ խորհրդի նիստի ելույթին և ԲՀԿ պատասխան հայտարարություններին:
«Երբ մենք այցելում ենք որևէ նոր մոլորակ առաջին անգամ, ակնկալում ենք, որ գոնե մոտակա մի ամիսը կլինենք այդ մոլորակի գլխավոր քննարկվելիք թեման: Որքան հասկացանք` Հայաստանում դա հնարավոր չի լինելու մինչև կրքերը չհանդարտվեն», — նշեց գեներալ-գեներալ ՄռռռԴ’Շկոկը:
Ատվարի ցեղի առաջնորդը նշեց, որ չի ցանկանում գնահատականներ տալ ո՛չ Նախագահ Սերժ Սարգսյանի ելույթին, ո՛չ էլ Գագիկ Ծառուկյանի հաջորդած հայտարարությանը. «Այս պահին սխալ կլինի էլ ավելի բորբոքել կրքերը: Ես անգամ հրամայել եմ, որ ոչ մի թռչող ափսե մուտք չգործի Երկիր մոլորակի մթնոլորտ, մինչև ՀՀԿ-ն ու ԲՀԿ-ն չպարզեն իրենց հարաբերությունները», — խոստովանեց Պերտիգոն-7ցի առաջնորդը` հավելելով, որ ցանկանում էին Երկիր մոլորակին նվիրաբերել իրենց տեխնոլոգիաներից մի քանիսը, — «Առանձնապես, ոչ մի երևակայելի բան` օզոնային շերտ վերականգնող բրելոկներից էինք ուզում բերել, մի հատ նոր բուրգ կառուցեինք Չարբախի տարածքում, մի քանի արկղ մեր դեղերից թողնեինք, որ ամեն հիվանդություն բուժում են, ու դե ծամոն: Մեր ծամոնները լավագույնն են Գալակտիկայում»:
Թե երբ առաջադեմ այլմոլորակայինների ռասան կքննարկի հաջորդ այցը, պարզ չէ, միայն հիշեցնենք, որ նախորդ անգամ այցը հետաձգելու հիմնական պատճառն էր Քոչարյան-Տեր-Պետրոսյան հակամարտությունը:
verjn er
Էդ մոլորակներում մի կարգին քաղաքագետ չկա
ինչպես թե չխառնվել ??? հանրությունը պահանջում է Armcomedy արտահերթ թողարկում
lav enq dimavorum zexaspanutyan 100-amyak@ — xosq chka ……
Iya iroq, Ba es el gitei irencic meky vaxuc mer erkruma um bolors “SHAAAT ENQ SIRUM”
ու գնացին ստավկա անելու
vonc chxarnveq.vonc vir hatuk dzer haxordman hamar scenar lini grvac
https://www.facebook.com/pages/%D4%B1%D5%BE%D5%BF%D5%B8%D5%B4%D5%A5%D6%84%D5%A5%D5%B6%D5%A1%D5%B5%D5%AB-%D5%B0%D5%A1%D5%B4%D5%A1%D6%80%D5%A1%D5%B6%D5%AB%D5%B7%D5%B8%D5%BE-%D5%AF%D5%A1%D5%AD%D5%A1%D5%A6%D5%A1%D6%80%D5%A4/124536331036512?ref=aymt_homepage_panel